"Челси" ҳужумчиси Николас Жексон "Милан" шорт-листига киритилган. "Кўклар" бош мураббийи Энцо Маресканинг ишончини йўқотган футболчини "россонерилар" ўз сафига қўшиб олишига ишонмоқда. Бу ҳақда Daily Mail хабар бермоқда.
Манбага кўра, лондонликлар 24 ёшли футболчини 100 млн фунтга (115 млн евро) баҳоламоқда ва уни сотишни ўзларига устувор мақсад сифатида белгилашмаяпти.
Таъкидланишича, "Милан" воситачилардан сенегаллик футболчини "Челси"дан кетишга кўндириш мумкинлиги ҳақида маълумот олган. Шу билан бирга, "россонерилар" унинг трансфери учун 100 млн фунт тўлашга тайёр эмас.
Ўтган мавсумда Жексон барча мусобақаларда 37 та ўйинда майдонга тушиб, 13 та гол ва 6 та голли узатмани амалга оширди.
