Мадриднинг "Реал" клуби собиқ футболчиси Тони Кроос ярим ҳимоячи Арда Гюлернинг ўйини ҳақида фикр билдирди.
20 ёшли туркиялик Карло Анчелотти даврида камдан-кам ҳолларда асосий таркибга киритилган, аммо клублар ўртасидаги жаҳон чемпионатида янги мураббий Хаби Алонсо қўл остида ўзини ёрқин кўрсатди.
"Арда ўйинга ўзгача руҳ олиб кирмоқда. Техник жиҳатдан у ўтган мавсумда ҳам тайёр эди, аммо ҳозир жисмоний жиҳатдан кучайди. Агар сизда чизиқлар ўртасида "ўнлик" ролини ўйнай оладиган шундай футболчи бўлса, унинг ўйин давомидаги яккакурашлардаги мағлубиятларига кўз юмиш мумкин. Унинг роли ниҳоятда аниқ бўлиши муҳим, шунингдек, у ҳимояда жамоага ёрдам бериши керак," - дея Крооснинг сўзларини келтирмоқда испан ОАВ.
