"Бавария" дарвозабони Даниэль Перецнинг фаолиятини Италияда давом эттириши мумкин.
"Женоа" аллақачон Мюнхен клуби билан музокараларга киришган, шунингдек, 25 ёшли футболчининг ўзи билан ҳам музокара олиб борилмоқда, деб хабар бермоқда журналист Флориан Плеттенберг.
Даниэль Перецнинг ўзи янги жамоасида "биринчи рақамли" дарвозабон бўлишни хоҳлайди.
Transfermarkt портали баҳосига кўра, унинг нархи 3 миллион еврони ташкил этади, "Бавария" билан шартномаси эса 2028 йилнинг ёзигача мўлжалланган.
Перец Германия грандининг асосий жамоаси сафида еттита ўйин ўтказиб, жами еттита гол ўтказиб юборган.













