"Ливерпуль" Диогу Жота хотирасига 20-рақамни муомаладан чиқаришга қарор қилди.
"Ливерпуль" ва Португалия терма жамоаси ҳужумчиси, шунингдек, унинг Португалия иккинчи лигаси вакили "Пенафиэл" сафида тўп тепган укаси Андре Тейшейра да Силва Испанияда ЙТҲда вафот этди. Маълум қилинишича, Жотанинг автомобили шинаси ёрилиб, йўлдан чиқиб кетган ва ёниб кетган.
Клуб тарихида "Ливерпуль" ҳали бирор марта бирор рақамни муомаладан чиқармаганди. Қарор барча жамоаларга, болалар жамоасидан тортиб аёллар жамоасигача таъсир қилади.
"Бу "Ливерпуль" тарихида биринчи марта алоҳида шахсга бундай шараф кўрсатилиши. Бу чинакам ажойиб инсонга ўзига хос эҳтиромдир. Бу рақам муомаладан чиқарилгач, абадийлаштирилади, бинобарин, ҳеч қачон унутилмайди.
Диогу бизга 2020 йилда келди, у биз учун 20 унвонни қўлга киритишга ёрдам берди, у шараф, эътибор ва иштиёқ билан 20-рақамда ҳаракат қилди. Ва биз учун абадий 20-рақам бўлиб қолади," - деди FSG (Fenway Sports Group - "Ливерпуль" эгалари) футбол операциялари бўйича директори Майкл Эдвардс.
