"Liverpul" Diogu Jota xotirasiga 20-raqamni muomaladan chiqarishga qaror qildi.
"Liverpul" va Portugaliya terma jamoasi hujumchisi, shuningdek, uning Portugaliya ikkinchi ligasi vakili "Penafiel" safida to‘p tepgan ukasi Andre Teysheyra da Silva Ispaniyada YTHda vafot etdi. Ma’lum qilinishicha, Jotaning avtomobili shinasi yorilib, yo‘ldan chiqib ketgan va yonib ketgan.
Klub tarixida "Liverpul" hali biror marta biror raqamni muomaladan chiqarmagandi. Qaror barcha jamoalarga, bolalar jamoasidan tortib ayollar jamoasigacha ta’sir qiladi.
"Bu "Liverpul" tarixida birinchi marta alohida shaxsga bunday sharaf ko‘rsatilishi. Bu chinakam ajoyib insonga o‘ziga xos ehtiromdir. Bu raqam muomaladan chiqarilgach, abadiylashtiriladi, binobarin, hech qachon unutilmaydi.
Diogu bizga 2020 yilda keldi, u biz uchun 20 unvonni qo‘lga kiritishga yordam berdi, u sharaf, e’tibor va ishtiyoq bilan 20-raqamda harakat qildi. Va biz uchun abadiy 20-raqam bo‘lib qoladi," - dedi FSG (Fenway Sports Group - "Liverpul" egalari) futbol operasiyalari bo‘yicha direktori Maykl Edvards.
