Германиялик ҳужумчи Деви Зельке "Истанбул Башакшехир" футболчисига айланди, дея хабар бермоқда клуб расмий сайти.
Футболчи клубга эркин агент сифатида ўтди ва 2+1 схемаси бўйича шартнома имзолади. Битимнинг молиявий тафсилотлари ошкор этилмаган.
30 ёшли форварднинг аввалги клуби "Гамбург" бўлган. Аввалроқ, Бундеслига клуби сайти томонлар шартномани муддатидан олдин бекор қилишга келишиб олганини маълум қилганди.
Ўтган мавсумда Зельке "Гамбург" сафида барча мусобақаларда 33 та ўйинда майдонга тушиб, 23 та гол урган. Жамоа Бундеслигага қайтди, аммо ҳужумчи элитага чиққанидан кейин уни тарк этди.
Зельке янги клубида ҳамюртимиз Элдор Шомуродов билан рақобатлашиши кутилмоқда.
