Ўзбекистон Ёшлар Биринчилиги 12-турида «Локомотив» клублари ёшлари Тошкент вилоятида жойшлаган «Дўстлик» стадионида «Олмалиқ» клуби ёшларига қарши майдонга тушди.
Икки жамоа учрашувни эхтиёткорлик билан бошладилар. Бир неча бор икки жамоанинг ҳам ҳужумлари бесамар кетди. Ўйинда эса ҳисобни олмалиқлик ёшлар очдилар. Фаррух Нурлибоев томонидан берган жарима зарбасидан сўнг Шквирин шогирдлари олдинга чиқиб олдилар. 0:1. «Локомотив» ушбу голдан кейин ҳужумга зўр бердилар аммо жамоалар 1-бўлимни 0:1 ҳисоби билан якунлашди.
Иккинчи бўлимда ҳам ҳужумкорликни сусайтирмаган жамоалар ижросида «хоккей» бошланди. Дастлаб Карен Абрамов пенальтидан тў киритириб ҳсиобни тенглаштирди. Бундан бир дақиқа олдин эса иккинчи бўлимда майдонга тушган «Олмалиқ» клуби дарвозабони қизил карточка олиб майдонни тарк этган эди. Бу эса ўйиндаги устунликни бир оз мезбонлар томонига ўтишии таъминлади. Аммо ҳужумга зўр берган «темирйўлчилар» яна бир марта ўз дарвозаларидан қарши ҳужумда гол ўтказиб юбордилар. Захирадан майдонга тушган Фазлиддин Қосимжонов голга муаллифлик қилди. «Локомотив» клублари ёшлари барибир ўз омадларини рақиб майдонидан қидирдилар ва ниҳоят 84 дақиқада Бобур Тиллабоев гол киритган бўлса, Диёр Усмонҳўжаев ҳисобни 3:2га ўзгартирди. Мехмонлар ҳисобни тенглаштириш учун ҳужумларни яна кучайтирган бир пайтда яна «Олмалиқ» клуби ёшлари дарвозаси томон пенальти белгилади. Бобур Тиллабоев жарима зарбасидан унумли фойдаланди ва 4:2. Аммо бунга рози бўлмаган «Олмалиқ» ёшлари Мўйдин Мамазулумов 90+3 да гол урди ва учрашув 4:3 билан якунланди.
Ёшлар лигаси, 12-тур
27 июнь, пайшанба
«Локомотив» (Тошкент) – «Олмалиқ» (Олмалиқ)
Ҳакамлар: Р. Копадзе (Фарғона), О. Абдувосилов, Т. Гайнуллин, Ш. Қосимов (барчаси Тошкент шахридан).
Назоратчи: Ф. Абдуллаев (Тошкент).
Голлар: Карен Абрамов (64, пен), Б. Тиллабоев (84,89 пен), Диёр Усмонҳўжаев (85) – Фаррух Нурлибоев (9), Фазлиддин Қосимжонов (72), Мўйдин Мамазулумов (90+3)
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Бунёдкор | 11 | 9 | 1 | 1 | 27-12 | 28 |
| 2 | Локомотив | 12 | 9 | 1 | 2 | 28-14 | 28 |
| 3 | Пахтакор | 11 | 8 | 1 | 2 | 27-13 | 25 |
| 4 | Насаф | 11 | 6 | 2 | 3 | 28-13 | 20 |
| 5 | Нефтчи | 11 | 5 | 2 | 4 | 18-9 | 17 |
| 6 | Олмалиқ | 12 | 4 | 4 | 4 | 18-20 | 16 |
| 7 | Навбаҳор | 11 | 4 | 3 | 4 | 10-9 | 15 |
| 8 | Шўртан | 11 | 3 | 5 | 3 | 17-15 | 14 |
| 9 | Гулистон | 11 | 4 | 2 | 5 | 16-17 | 14 |
| 10 | Сўғдиёна | 11 | 4 | 2 | 5 | 10-21 | 14 |
| 11 | Металлург | 11 | 3 | 4 | 4 | 13-16 | 13 |
| 12 | Қизилқум | 11 | 2 | 1 | 8 | 18-26 | 7 |
| 13 | Динамо | 11 | 2 | 0 | 9 | 7-27 | 6 |
| 14 | Бухоро | 11 | 0 | 2 | 9 | 6-31 | 2 |
