Йўл-транспорт ҳодисасида ҳалок бўлган "Ливерпуль" футболчиси Диогу Жотанинг турмуш ўртоғи Руте Кардозу эрининг хотирасини ёдга олиш учун "Энфилд"га келди. Goal порталининг хабар беришича, Кардозу болаларини бағрига босиб, одамлар Жота ва унинг акаси хотирасига атаб стадионга олиб келган гуллар, шарфлар ва бошқа буюмларга қараб ўтирган. Рут билан бирга "Ливерпуль" футболчилари ҳам бор эди, улар атиргуллар қўйишди.
Якшанба куни "Ливерпуль" "Престон Норт Энд"га қарши баҳс олиб боради. Ўйинда Диогу Жоте ва Андре Силва хотирасига бағишланган мотам тадбирлари ўтказилади.
3 июль куни Испанияда ака-ука Диогу Жота ва Андре Силва ЙТҲда ҳалок бўлди. Футболчилар ўтирган автомобиль йўлдан чиқиб кетиб, ёниб кетди. Аварияга ёрилган ғилдирак сабаб бўлгани тахмин қилинмоқда.
