Англиянинг “Ньюкасл” клуби ҳужум чизиғини кучайтиришни режалаштирган.
The Telegraph хабарига кўра, “қарғалар” Жоау Педрони қўлга кирита олмаганидан сўнг “Айнтрахт” форварди Уго Экитекега эътибор қаратган.
23 ёшли франциялик футболчининг амалдаги шартномасида товон пули 100 миллион еврони ташкил этади. Инглиз клуби буни тўлашга тайёр.
Қайд этилишича, “Ньюкасл” Угони сотиб олиш бўйича илгари ҳам икки маротаба таклиф билан чиққан.
Бироқ футболчи “ПСЖ”га йўл олган. Кейинчалик парижликлар сафида ўз даражасида ўйнай олмаганидан сўнг 2024 йилда “Айнтрахт”га йўл олганди.
