“Манчестер Юнайтед” клуби “Барселона” ярим ҳимоячиси Марк Касадога қизиқиш билдирмоқда, дея хабар беради Mundo Deportivo.

Манбага кўра, 21 ёшли футболчига “Арсенал” ва “Челси” ҳам кураш олиб бораётганди. “МЮ” бош мураббийи Рубен Аморим уни Мануэль Угартега муқобил сифатида кўрмоқда.

Футболчи “Барселона”нинг академияси тарбияланувчиси ҳисобланади. Унинг клуб билан шартномаси 2028 йилнинг ёзига қадар амал қилади.

Якунланган мавсум у каталонияликлар сафида 36 та ўйинда 1 та гол урди ва 6 та голли узатмани амалга оширди.