"Милан" ярим ҳимоячиси Исмаэль Беннасер Саудия Арабистони чемпионати вакили қизиқишлари доирасига тушиб қолди.
Саудия Арабистонининг номаълум клуби 27 ёшли футболчининг трансфери бўйича расмий таклиф тайёрламоқда, дея хабар бермоқда инсайдер Николо Скира ижтимоий тармоқлар орқали. "Россонерилар" раҳбарияти жазоирлик футболчини сотишга тайёр - у кейинги режаларга киритилмаган.
Исмаэль Беннасер ўтган мавсумнинг иккинчи ярмини Франциянинг "Марсель" клубида ижарада ўтказди. Transfermarkt порталига кўра, хавбекнинг нархи 15 млн еврони ташкил этади, унинг "Милан" билан меҳнат шартномаси 2027 йилнинг ярмигача мўлжалланган.
