"Аталанта" ҳужумчи Матео Ретегини ўз сафида сақлаб қолиш эҳтимоли паст.

Хабарингиз бор, 26 ёшли футболчи "Ал-Қодисия"дан катта таклиф олган эди. Бергамоликлар ҳужумчи билан хайрлашишни истамаяпти, шунинг учун унга маошини икки баробарга - бир мавсум учун 4 млн еврогача оширадиган янги шартнома таклиф қилишди. The Touchline хабарига кўра, Ретеги рад жавобини берган. Футболчи ҳамон Саудия Арабистонига кўчиб ўтиш ниятида, у ерда унга бонусларни ҳисобга олган ҳолда ҳар мавсум учун тахминан 20 миллион евро тўлашга тайёр.

Матео Ретеги А Сериянинг ўтган мавсумида 25 та гол билан энг яхши тўпурарга айланди. Transfermarkt экспертлари аргентиналик италияликнинг нархини 45 млн еврога баҳоламоқда.