Каталониянинг "Барселона" клуби вингери Ламин Ямал бугун, 13 июль куни туғилган кунини нишонламоқда. Футболчи 18 ёшга тўлди.
Аввалроқ матбуотда "кўк-анорранглилар" тарбияланувчиси балоғат ёшига етгани муносабати билан ёпиқ базм уюштиришни режалаштираётгани ҳақида хабар берилганди.
2024/2025 йилги мавсумда Ямал Каталония грандининг 53 та ўйинида иштирок этган. У ўз ҳисобига 16 та гол ва 18 та голли узатма ёздириб қўйган.
Ламиннинг "Барселона" билан меҳнат шартномаси 2031 йилнинг июнь ойи охиригача мўлжалланган. Transfermarkt портали футболчининг бозор нархини 200 миллион еврога баҳоламоқда.
