Kataloniyaning "Barselona" klubi vingeri Lamin Yamal bugun, 13 iyul kuni tug‘ilgan kunini nishonlamoqda. Futbolchi 18 yoshga to‘ldi.
Avvalroq matbuotda "ko‘k-anorranglilar" tarbiyalanuvchisi balog‘at yoshiga yetgani munosabati bilan yopiq bazm uyushtirishni rejalashtirayotgani haqida xabar berilgandi.
2024/2025 yilgi mavsumda Yamal Kataloniya grandining 53 ta o‘yinida ishtirok etgan. U o‘z hisobiga 16 ta gol va 18 ta golli uzatma yozdirib qo‘ygan.
Laminning "Barselona" bilan mehnat shartnomasi 2031 yilning iyun oyi oxirigacha mo‘ljallangan. Transfermarkt portali futbolchining bozor narxini 200 million yevroga baholamoqda.













