Лондоннинг "Челси" клуби форварди Николас Жексон Англиянинг бошқа бир клубига ўтиши мумкин, дея хабар бермоқда инсайдер Набил Желт ўзининг ижтимоий тармоқлари орқали.
Манбага кўра, 24 ёшли ҳужумчини Бирмингемнинг "Астон Вилла" ва "Манчестер Юнайтед" клублари ўз сафига қўшиб олмоқчи. "Аристократлар" ўз футболчисини 70 миллион еврога баҳоламоқда. Жексон Лондоннинг топ-клуби билан 2033 йилнинг ярмигача шартнома мажбуриятлари билан боғланган.
Николас 2024/2025 йилги мавсумда 37 та ўйин ўтказган. Ҳужумчи ўз ҳисобига 13 та гол ва олтита голли узатмани ёздириб қўйди.
