Якшанба куни Ламин Ямал 18 ёшга тўлди. Аввалроқ, матбуотда Ямал вояга етганидан сўнг дарҳол унинг "Барселона" билан кейинги олти мавсумга мўлжалланган янги шартномаси кучга кириши ҳақида ёзишган эди.

Қизиғи шундаки, нуфузли "Transfermarkt" портали саҳифаларида Ямалнинг амалдаги шартномаси муддати ҳақидаги маълумотлар аллақачон янгиланган. Ламин билан тузилган меҳнат шартномаси 2031 йил 30 июнгача мўлжалланган.

Ямал аллақачон "Барселона" билан янги шартнома имзолаган бўлиши мумкин. Шу билан бирга, Испанияда ёзишларича, шартномани имзолаш маросими 16 июль куни бўлиб ўтади. Одатда бундай маросимларда футболчилар сохта шартномалар имзолашади, чунки расмий ҳужжатлар олдинроқ имзоланади.