"Фиорентина" дарвозабони Пьетро Терраччиано "Милан"га ўтишга яқин турибди. Бу ҳақда инсайдер Фабрицио Романо хабар бермоқда.
Манбага кўра, "Милан" аллақачон 35 ёшли италиялик билан шахсий меҳнат шартномаси шартларини келишиб олган. Дарвозабон клуб билан икки мавсумлик шартнома имзолаши кутилмоқда.
Терраччиано "Фиорентина" сафида 2019 йилдан буён тўп тепиб келмоқда. Бу вақт ичида дарвозабон барча турнирларда 156 та ўйин ўтказиб, 185 та гол ўтказиб юборди ва 43 марта ўз дарвозасини дахлсиз қолдиришга муваффақ бўлди.













