"Fiorentina" darvozaboni Pyetro Terrachchiano "Milan"ga o‘tishga yaqin turibdi. Bu haqda insayder Fabrisio Romano xabar bermoqda.
Manbaga ko‘ra, "Milan" allaqachon 35 yoshli italiyalik bilan shaxsiy mehnat shartnomasi shartlarini kelishib olgan. Darvozabon klub bilan ikki mavsumlik shartnoma imzolashi kutilmoqda.
Terrachchiano "Fiorentina" safida 2019 yildan buyon to‘p tepib kelmoqda. Bu vaqt ichida darvozabon barcha turnirlarda 156 ta o‘yin o‘tkazib, 185 ta gol o‘tkazib yubordi va 43 marta o‘z darvozasini daxlsiz qoldirishga muvaffaq bo‘ldi.













