"ПСЖ" клуби президенти Носир ал-Хелаифий клублар ўртасидаги жаҳон чемпионати финалида "Челси"га қарши ўйиндаги мағлубиятга (0:3) изоҳ берди.
"Ғалабалардан кейин ҳам, мағлубиятлардан кейин ҳам камтар бўлиб қоламиз. Бу "ПСЖ" тарихидаги энг буюк мавсум бўлди. Битта ўйин ҳаммасини ўзгартириб юборади деб ўйламайман. Мен ҳамма билан фахрланаман. Биз бешта финалга чиқдик ва уларнинг тўрттасида энг ёш жамоа сифатида ғалаба қозондик. Бу фақат бошланиши, олдинда ўзгача нарсалар бор," - дея ал-Ҳелайфийнинг сўзларини келтиради журналист Бен Жейкобс.













