Лондоннинг "Челси" клуби футболчиси Рис Жеймс яна жароҳат олди. "Кўклар" сардори "ПСЖ" билан клублар ўртасидаги жаҳон чемпионати финалида асосий таркибда майдонга тушди, аммо ўйинни охиригача давом эттира олмади. 77-дақиқада англиялик футболчи жароҳат туфайли захирага олинишга мажбур бўлди ва унинг ўрнини Кирнан Дьюсбери-Холл эгаллади. Бу вақтда таблода "Челси" фойдасига 3:0 ҳисоби қайд этилаётган эди.
Энцо Мареска жамоаси биринчи бўлимда дубль қайд этган Коул Палмер ва янги ўйинчи Жоао Педро саъй-ҳаракатлари билан учта гол урди.
Рис Жеймс клублар ўртасидаги жаҳон чемпионатининг жорий мавсумида "Челси"нинг бешта ўйинида қатнашиб, битта гол уришга муваффақ бўлди.
