Мюнхеннинг "Бавария" клуби чап қанот вингери Брайан Сарагоса Испания чемпионатига қайтиши мумкин, дея хабар бермоқда El Chiringuito.
Манбага кўра, 23 ёшли футболчини Каталониянинг "Барселона" клуби ўз сафига қўшиб олмоқчи. "Кўк-анорранглилар" вингер вакиллари билан дастлабки музокараларни ўтказишди. Сарагосанинг ўзи Каталония суперклубига ўтишга тайёр.
Брайаннинг немис гранди билан 2029 йил ёзигача шартномаси бор. Ўтган мавсумда Сарагоса "Осасуна"да ижара асосида ўйнаган. У Испания чемпионатида 27 та ўйинда майдонга тушиб, 1 та гол ва 6 та голли узатмага муаллифлик қилган.
