"Манчестер Юнайтед" ҳужумкор ярим ҳимоячиси Алехандро Гарначо жамоа билан мавсумолди йиғинига бормайди. Бу ҳақда журналист Сэмюэль Лакхерст хабар бермоқда.
Манбага кўра, "қизил иблислар" мураббийлар штаби 21 ёшли аргентиналик футболчини мавсумолди сафари учун қайдномага киритишни режалаштирмаяпти.
Ўтган мавсумда Гарначо барча мусобақаларни қўшиб ҳисоблаганда 58 та ўйинда иштирок этиб, 11 та гол урган ва 10 та голли узатмани ўз ҳисобига ёздириб қўйган.
Гарначонинг "Манчестер Юнайтед" билан шартномаси 2028 йилнинг ярмигача мўлжалланган. Transfermarkt маълумотларига кўра, футболчининг нархи 45 миллион еврони ташкил этади.
