"Челси" марказий ҳимоячиси Бенуа Бадьяшиль ёзда ҳеч қаерга кетишни режалаштирмаётганини айтди.
Француз 2024/25 йилги мавсумда "кўклар" сафида бор-йўғи 22 та ўйин ўтказган, Премьер-лигада эса атиги беш марта майдонга тушган. Футболчи ўйин амалиёти камлигига қарамай, қолиш ниятида.
"Ҳа, янги мавсумда "Челси"да қоламан. Клуб, мураббий ва барча ходимлар менга ишонишади, менга ишонч бағишлашади. Мен бу клубни, шаҳарни ва мухлисларни яхши кўраман," - дея 24 ёшли футболчининг сўзларини келтиради Foot Mercato.
"Челси" Бенуа Бадьяшилни 2023 йилнинг январида "Монако"дан 38 млн еврога сотиб олганди. Унинг амалдаги меҳнат шартномаси 2030 йилгача мўлжалланган.
