"Ньюкасл" Франкфуртнинг "Айнтрахт" клуби ҳужумчиси Уго Экитикенинг трансфери устида иш олиб бормоқда.
Франциялик футболчи "қарғалар" томонидан устувор трансфер мақсади сифатида белгиланган. Хабарингиз бор, "Айнтрахт" 23 ёшли футболчи учун 100 млн евро талаб қилмоқда ва бўлажак харидорларга чегирма бермоқчи эмас, аммо "Ньюкасл"ни бундай нарх қўрқитмаяпти. Журналист Грэм Бэйлининг ёзишича, инглиз клуби талабни қондириб, ўз трансфер рекордини янгилашга тайёр.
Бугунги кунда "Ньюкасл"нинг энг қиммат хариди 2022 йилнинг ёзида "Реал Сосьедад"дан 70 миллион еврога сотиб олинган Александр Исак бўлиб қолмоқда.













