"Ливерпуль" ҳужумчиси Дарвин Нуньес фаолиятини "Ал-Ҳилол"да давом эттириши мумкин.
Бош мураббий Симоне Индзаги уругвайлик футболчини ўз жамоасида кўришни истамоқда - клуб айнан италиялик мутахассис илтимосига кўра футболчи бўйича музокараларни бошлаган, деб ёзади Anything Liverpool Саудия Арабистони манбаларига таяниб. 26 ёшли форвардга "Наполи" ҳам қизиқиш билдирмоқда, аммо Италия чемпиони барибир "Ливерпуль"нинг талабини қондира олмади.
Transfermarkt портали Дарвин Нуньеснинг нархини 45 млн еврога баҳоламоқда. Ўтган мавсумда футболчи 47 та ўйинда 7 та гол ва 7 та голли узатмани ўз ҳисобига ёздириб қўйди.
