"Фиорентина" ҳимоячиси Робин Госенс ҳужумчи Эдин Жеконинг Флоренция клубига ўтиши ҳақида фикр билдирди. Улар аввалроқ Миланнинг "Интер" клубида бирга тўп тепишган.
"Жеко - бой тажрибага эга чемпион. "Интер"да Эдин бошқалардан ажралиб турарди, унда ғолиб менталитети бор. Яна дўстим билан бир жамоада ҳаракат қилишдан хурсандман," - дея футболчининг сўзларини келтиради Sky Sport Italia.
39 ёшли босниялик ҳужумчи флоренцияликлар сафига эркин агент сифатида келиб қўшилди. Тажрибали ҳужумчи "бинафшаранглилар" билан бир йиллик меҳнат шартномасини имзолади.
