"Айнтрахт" "Ньюкасл"нинг Юго Экитике бўйича таклифини рад этди.
Немис клуби 23 ёшли ҳужумчини 80 миллион еврога сотишдан бош тортди, дея хабар бермоқда Sky Sport журналисти Флориан Плеттенберг. Бу қарор асосан тўлов шартлари билан боғлиқ.
Бундан ташқари, "Айнтрахт" спорт директори Маркус Креше футболчи учун каттароқ сумма олмоқчи. Баъзи клублар Экитике учун кўпроқ пул тўлашга тайёр эканликларини аллақачон билдиришган.
Бундеслиганинг ўтган мавсумида франциялик футболчи 33 та ўйинда майдонга тушиб, 15 та гол ва 8 та голли узатмага муаллифлик қилган.
