Мадриднинг "Реал" клуби президенти Флорентино Перес "қаймоқранглилар"нинг янги аъзоси Альваро Каррерас ҳақида гапирди. Клуб тарбияланувчиси бўлган қанот ҳимоячиси "Реал" билан 2031 йилнинг 30 июнига қадар шартнома имзолади.
"Мадридистлар", Альваро Каррерас - бизнинг футболчимиз. У бизнинг қадриятларимизни билади, талаблар ва босимларни билади. Европанинг энг яхши ҳимоячиларидан бири яна клубимизга келиб қўшилди," - дея Переснинг сўзларини келтиради Madrid Universal.
Аввалроқ, ҳимоячининг трансфери 50 млн еврога баҳолангани хабар қилинганди. У ўтган ёзда Англиянинг "Манчестер Юнайтед" клубидан 6 млн евро эвазига "Бенфика"га кўчиб ўтган эди.
