Италиянинг "Фиорентина" клуби "Барселона" клуби ҳимоячиси Эман Кошпо билан шартнома имзолади.
18 ёшли швейцариялик футболчи янги жамоаси билан қанча муддатли битим имзолаганига аниқлик киритилмаган.
Боснияда туғилган футболчи ҳали "Барселона"нинг асосий таркибида майдонга тушмаган. Ўтган мавсумда Кошпо U19 жамоаси сафида ички мусобақаларда иштирок этган, шунингдек, УЕФА Ёшлар лигаси ўйинларида 8 марта майдонга тушган.













