А Серия дебютанти "Наполи" ҳужумчисини ўз сафига қўшиб олмоқчи.

Журналист Николо Скиранинг маълум қилишича, "Пиза" раҳбарияти неаполликларга Жованни Симеоне трансфери учун деярли 4 миллион евро таклиф қилган, аммо Италиянинг амалдаги чемпионлари ўз футболчиси учун камида 8 миллион евро талаб қилмоқда.

Нуфузли "Transfermarkt" портали унинг нархини 5 миллион еврога баҳоламоқда.

Эслатиб ўтамиз, Диего Симеоненинг тўнғич ўғли бўлган 30 ёшли аргентиналик футболчи 2022/23 йилги мавсум аввалида "Наполи" сафига келиб қўшилган эди. Бу вақт ичида у Италия клуби сафида барча мусобақаларда 103 та ўйинда майдонга тушиб, 14 та гол урди ва 4 та голли узатмани амалга оширди.