Вингер Алехандро Гарначо Рубен Аморимнинг режаларига кирмайди ва ёзги трансферлар ойнасида "Манчестер Юнайтед"ни тарк этиши аниқ. Мавсумолди ўйинлари бошланганидан бери Гарначо асосий гуруҳдан алоҳида шуғулланмоқда.
Daily Mail саҳифаларида Гарначо билан боғлиқ вазият ҳақида хабар эълон қилинди. Манбанинг таъкидлашича, 21 ёшли футболчига Премьер-лиганинг учта клуби - "Челси", "Тоттенхэм" ва "Астон Вилла" қизиқиш билдирмоқда.
Қайд этилишича, "Манчестер Юнайтед" муваффақиятсиз ўйинлардан сўнг молиявий аҳволини яхшилаш учун Гарначони сотишни афзал кўрмоқда. Нуфузли Transfermarkt портали Алехандрони 45 миллион еврога баҳоламоқда.
