Чоршанба куни "Реал" ҳимоячи Лукас Васкес жамоани тарк этишини эълон қилди. Бу борада Мадрид клуби президенти Флорентино Перес ўз фикрларини билдирди.
"Лукас Васкес - "Реал" қадриятларининг ёрқин вакили, шу туфайли у мухлисларимизнинг энг севимли ўйинчиларидан бирига айланди. Ушбу либосда Васкес муваффақият учун зарур бўлган меҳнатсеварлик, қатъиятлилик, камтарлик ва ғолиблик руҳини ифодалайди. У "Реал"нинг барча мухлислари муҳаббати ва эътирофига сазовор бўлган футболчи. "Реал" унинг уйи бўлган ва шундай бўлиб қолади," - дея Переснинг сўзларини келтиради "Реал" сайти.
Лукас Васкес "Реал" футболчиси сифатида 23 та чемпионликни қўлга киритган.
