"Сандерленд" баҳор охирида Англия Премьер-лигасига қайтди. Энди "қора мушуклар" ўз таркибини кучайтириш устида ишламоқда. Sky Sports'га маълум бўлишича, "Сандерленд"нинг трансфер бозоридаги нишони "Байер" ярим ҳимоячиси Гранит Жака ҳисобланади.
Шу билан бирга, манбанинг таъкидлашича, "Сандерленд" бу борада рақобатга дуч келади - 32 ёшли Жакани Саудия Арабистонида кўришмоқчи.
Бунгача Гранит Жака 2016-2023 йилларда "Арсенал" сафида АПЛда тўп тепган. Нуфузли Transfermarkt портали швейцариялик футболчини 12 миллион еврога баҳоламоқда. Жаканинг Леверкузендаги амалдаги шартномаси яна уч мавсумга мўлжалланган.
