"Ньюкасл" ҳужумчи Уго Экитике бўйича музокараларда сезиларли ютуқларга эришди. Бу ҳақда Германиянинг Sky телеканалидан нуфузли инсайдер Флориан Плеттенберг ижтимоий тармоқларда ёзди.

Қайд этилишича, "Айнтрахт" ҳозирда 23 ёшли Экитике учун иккинчи таклифни кутмоқда.

Нуфузли Transfermarkt портали Уго Экитикени 75 миллион еврога баҳоламоқда. "Айнтрахт" сафида француз турли мусобақаларда 64 та расмий ўйин ўтказиб, 26 та гол урган ва шерикларига 14 та голли узатмани амалга оширган.

Қўшимча қиламиз, "Ньюкасл" ўтган Англия чемпионатида бешинчи ўринни эгаллаб, Чемпионлар лигасининг умумий босқичига йўл олган эди.