"Nyukasl" hujumchi Ugo Ekitike bo‘yicha muzokaralarda sezilarli yutuqlarga erishdi. Bu haqda Germaniyaning Sky telekanalidan nufuzli insayder Florian Plettenberg ijtimoiy tarmoqlarda yozdi.
Qayd etilishicha, "Ayntraxt" hozirda 23 yoshli Ekitike uchun ikkinchi taklifni kutmoqda.
Nufuzli Transfermarkt portali Ugo Ekitikeni 75 million yevroga baholamoqda. "Ayntraxt" safida fransuz turli musobaqalarda 64 ta rasmiy o‘yin o‘tkazib, 26 ta gol urgan va sheriklariga 14 ta golli uzatmani amalga oshirgan.
Qo‘shimcha qilamiz, "Nyukasl" o‘tgan Angliya chempionatida beshinchi o‘rinni egallab, Chempionlar ligasining umumiy bosqichiga yo‘l olgan edi.
