Corriere dello Sport нашри тарқатган хабарга кўра "Милан" "Генк" ҳужумчиси Толу Арокодаренинг трансферига қизиқиш билдирмоқда, чунки клуб янги марказий ҳужумчи қидирмоқда.

"Россонерилар" Сантьяго Хименес учун ротация бўлиши мумкин бўлган кучли ва гавдали ҳужумчини ўз сафига қўшиб олмоқчи. Нашр маълумотига кўра, миланликлар Оливье Жируга ўхшаш профилга эга футболчи қидирмоқда.

197 сантиметрли Арокодаре бу мезонларга жуда мос келади. "Милан" учун нигерияликнинг трансфер нархи ҳам жозибадор - у 20-25 миллион евро атрофида баҳоланмоқда.

Эслатиб ўтамиз, Арокодаре ўтган мавсумда "Генк" сафида барча мусобақаларда 45 та ўйинда майдонга тушиб, 23 та гол урган ва 7 та голли узатмани амалга оширган.