Corriere dello Sport nashri tarqatgan xabarga ko‘ra "Milan" "Genk" hujumchisi Tolu Arokodarening transferiga qiziqish bildirmoqda, chunki klub yangi markaziy hujumchi qidirmoqda.

"Rossonerilar" Santyago Ximenes uchun rotasiya bo‘lishi mumkin bo‘lgan kuchli va gavdali hujumchini o‘z safiga qo‘shib olmoqchi. Nashr ma’lumotiga ko‘ra, milanliklar Olivye Jiruga o‘xshash profilga ega futbolchi qidirmoqda.

197 santimetrli Arokodare bu mezonlarga juda mos keladi. "Milan" uchun nigeriyalikning transfer narxi ham jozibador - u 20-25 million yevro atrofida baholanmoqda.

Eslatib o‘tamiz, Arokodare o‘tgan mavsumda "Genk" safida barcha musobaqalarda 45 ta o‘yinda maydonga tushib, 23 ta gol urgan va 7 ta golli uzatmani amalga oshirgan.