Аргентина терма жамоаси футболчилари Лионель Месси ва Родриго де Пауль тез орада жамоадошга айланади. Нуфузли инсайдер Фабрицио Романонинг ижтимоий тармоқларда ёзишича, "Атлетико" де Пауль бўйича "Интер Майами" таклифини қабул қилган. Клублар ўртасидаги келишув деярли якунланди.
Айни дамда де Пауль шартномасининг сўнгги деталлари муҳокама қилинмоқда. 31 ёшли ярим ҳимоячи тез орада 4 мавсумга мўлжалланган меҳнат шартномасини имзолайди.
Эслатиб ўтамиз, Родриго де Пауль Аргентина терма жамоаси сафида бунгача жаҳон чемпионати ва икки бор Америка Кубогида зафар қучган.
