Неймар Бразилия чемпионатида жорий мавсумдаги илк голини урди.
Бразилия чемпионатининг 14-туридан ўрин олган "Сантос" - "Фламенго" (1:0) учрашуви бўлиб ўтди.
"Сантос"нинг 33 ёшли ҳужумчиси Неймар ўйиннинг 84-дақиқасида гол уриб, жамоасининг турнир пешқадамига қарши ўйиндаги ғалаба голига муаллифлик қилди.
Бразилиялик футболчи бу мавсумда илк бор тўлиқ 90 дақиқа майдонда ҳаракат қилди ва ўйинни асосий таркибда бошлади.
Шунингдек, бу Неймар учун сўнгги тўрт ойдаги илк гол бўлди - у охирги марта март ойида "Сантос" сафида гол урганди.
Жорий мавсумда форвард бешинчи ўйинини ўтказди.
