Клублар ўртасидаги жаҳон чемпионатини икки миллиард томошабин томоша қилди.
"Челси" турнирнинг финал учрашувида "ПСЖ"ни мағлуб этиб (3:0) кубокни қўлга киритди.
The Guardian нашрининг DAZN инсайдерларига таяниб ёзишича, мусобақанинг умумий аудиторияси икки миллиард томошабинни ташкил қилган. Шу билан бирга, томошабинларнинг тахминан 5 фоизи premium-хизматга обуна бўлишди.
Қайд этилишича, рейтинглар айниқса Бразилияда "Палмейрас" 1/8 финалга, "Флуминенсе" эса ярим финалга чиққанидан кейин юқори бўлган.
Хусусан, "Челси"нинг "Лос-Анжелес"га қарши ўйинини DAZN иловасида 8 миллион томошабин томоша қилган ва Буюк Британиядаги сублицензияни ҳисобга олган ҳолда умумий аудитория 25 миллионга яқин томошабинга етган.
