Тожикистонда ёзги ўқув-машғулот йиғинини фаоллик билан ўтказаётган "Андижон" жамоаси параллель равишда селекция ишларини ҳам олиб боряпти. Бундай ўзгаришлар асосий таркиб билан бир қаторда мураббийлар штабида ҳам юз беряпти.

Жамоанинг мураббийлар штабига украиналик Николай Тишенко қўшилди. У аналитик мутахассис сифатида фаолият олиб боради.

1987 йилнинг 12 декабрь санасида таваллуд топган Николай Витальевич 2023 ва 2024 йилги мавсумларда чемпионатимизда, Муборакнинг “Машъал” жамоасида ҳам ишлаган.

Умуман олганда, Тишенко бунга қадар “Агродим” (Украина), “Еднист” (Укриана), “Рига” (Латвия), “Машъал” ва “Мурас Юнайтед” (Қирғизистон) клубларида фаолият олиб борган.

"Тишенко жамоамизнинг Тожикистондаги йиғинига қўшилди ва эндиликда “Андижон”да аналитик мутахассис вазифасида иш олиб боради" - дейилади "бургутлар"нинг расмий баёнотида.