"Севилья" футболчиси Жоффре Кондогбиа келаси ҳафта "Реал" аъзосига айланиши мумкин, дея хабар беради Marca нашри.

Манба берган маълумотга кўра, Исконинг трансфер масалаларини ҳал қилгач, "қироллик клуби" Франция ёшлар терма жамоаси аъзоси учун ҳаракатни бошлайди.

Тез орада мадридликлар Doyen Group компанияси рахбарлари билан учрашув ўтказишади. Сабаби футболчининг ярим трансфер ҳуқуқи айнан ушбу ташкилотга тегишли.

Аввалроқ "Севилья" президенти Хосе Мария Дель Нидо Кондогбиа учун 9 миллион евролик таклиф тушаётгани ва бу ўтган йилги "Ланс" таклиф қилган суммадан уч баробар катта экани ҳақида гап очганди.

Шунингдек, "Реал" футболчини шу ёзда сотиб олиши аммо у "Севилья"да яна бир йил қолиши мумкинлиги ҳам таҳмин қилинмоқда.

Футболчининг ўзи эса фаолиятидани аниқ янги босқичнинг бошланиши учун тайёр эканини ва фақатгина захирада ўриндиғида ўтирмаслик шарти билан бошқа жамоага ўтиши мумкинлигини айтмоқда.

Кондогбиага аввалроқ "Манчестер Сити" ҳам қизиққанлиги ҳақида хабарлар пайдо бўлганди.