Ўзбекистон Суперлигаси биринчи давранинг жами 120 та учрашувида 19 нафар бош ҳакам фаолият олиб борди.

1. Тимур Тўхтасинов -10 та, Ғайрат Жўраев, Шавкат Насибуллаев – 9 тадан

2. Достон Рахмонов, Тўрабек Суюнов, Олим Тўйчибоев – 8 тадан

3. Аскер Нажафалиев, Иброхим Исмоилов, Наим Қосимов, Рустам Лутфуллин – 7 тада

4. Равшан Абдувохидов, Никита Мустафин – 6 тадан, Аҳрол Рисқуллаев, Фирдавс Норсафаров, Илгиз Танташев – 5 тадан

5. Акобирхўжа Шукуруллаев, Абдурашид Худойберганов – 4 тадан

6. Рустам Чориев – 3 та

7. Хушнудбек Суюнбоев – 2 та учрашув бошқаришди.

VAR статистикаси

Ўтказилган 120 та учрашувдан 119 тасида VARдан фойдаланилди. "Динамо" – "Насаф" учрашувига КТС келмаганлиги сабабли VAR тизимидан фойдаланиш имкони бўлмади.

119 учрашувда VAR бош ҳакамни вазиятни қайта кўриб чиқиш учун видео-текширувга (мониторга) 51 маротаба ва 13 маротаба фактик қарор таклиф қилди. Ушбу аралашувлар орқали VAR якунда 56 та баҳсли вазиятда тўғри қарор чиқаришга ёрдам берди.

Карточкалар

120 та учрашувда ҳакамларимиз 373 та сариқ, улардан симуляция учун 4 та, ўйин вақтини чўзганлиги учун 19 та, ҳакам қарорига эътироз билдиргани учун 36 та ва 313 та спортчига хос бўлмаган ҳаракат учун кўрсатилган.

Қизил карточкалар сони эса 24 тани ташкил этади. Улардан учтаси иккинчи сариқ карточка, учтаси рақибни яққол гол уриш имкониятидан маҳрум қилиш, олтитаси тажовузкор ҳаракат учун, саккизтаси жиддий қоидабузарлик ва тўрттаси ҳақоратли сўз ёки ҳаракат учун кўрсатилган.

Шунингдек, 120 та учрашув давомида ҳакамлар томонидан 35 та пенальти белгиланган.