Mundo Deportivo нашри хабарига кўра, Мадриднинг "Атлетико" клуби "Ювентус"нинг аргентиналик вингери Николас Гонсалес трансферини кўриб чиқмоқда.
"Матрасчилар" Тьяго Альмаданинг трансферини аллақачон расмийлаштирган бўлса-да, кейинги мавсум учун ҳужум чизиғини кучайтиришга интилмоқда. "Атлетико"нинг асосий нишони "Аталанта" футболчиси Адемола Лукман бўлиб қолмоқда, аммо нигериялик футболчи "Интер"га ўтишни афзал кўрмоқда.
Шу муносабат билан "Атлетико" муқобил вариантларни фаол изламоқда - улардан бири айнан Гонсалес бўлди. Манбанинг таъкидлашича, футболчи жиддий молиявий таклиф бўлса, "Ювентус"ни тарк этиши мумкин ва мадридликлар уни аллақачон устуворликлар рўйхатига киритган. Футболчига Саудиянинг "Ал-Аҳли" клуби ҳам даъвогарлик қилмоқда, бироқ Николаснинг ўзи ҳозирча Европада қолишни истамоқда.
Эслатиб ўтамиз, Гонсалес 2024/25 йилги мавсумда "Ювентус" сафида барча мусобақаларда 38 та ўйинда майдонга тушиб, 5 та гол урган ва 4 та голли узатмани амалга оширган. Transfermarkt портали унинг нархини 24 миллион еврога баҳоламоқда.
