"Норвич" клуби ҳамда Англия терма жамоаси дарвозабони Жонн Радди Лондоннинг "Челси" клуби қизиқиш доирасига кирган. Бу ҳақда The London Evening Standart хабар беради.
Манбанинг ёзишича, "Аристократлар" футболчининг трансфери юзасидан 5 миллион фунтлик таклиф билан чиқишган, аммо рад жавобини олганлар.
"Челси" тез орада ушбу трансфер юзасидан юқорироқ нарх билан яна бир таклиф билан чиқиши кутилмоқда.
26 ёшли футболчи "Норвич" сафига 2010 йили қўшилган бўлиб, ўшанда у "Эвертон"дан 400 минг фунтга ҳарид қилинганди.
Ўтган мавсум Радди клуби билан 4 йиллик шартномага имзо чеккан.