Италиянинг "Милан" клуби собиқ футболчиси Кристиан Вьери ушбу клубга Массимилиано Аллегри мураббий этиб тайинлангани ҳақида фикр билдирди.
Унинг фикрича, ҳозир "Милан"га Аллегрининг тажрибаси жуда керак бўлади.
"Агар унга ишонилса, ҳаммаси яхши бўлади. Ҳозир у "Милан"га бор тажрибасини бериши мумкин. Аммо унга яна яхши футболчилар ҳам керак ва фақат трансфер ойнаси охирида "Милан" келаси мавсумда нима учун курашишини ишонч билан айтиш мумкин бўлади," - дея Вьерининг сўзларини келтиради pianetamilan.it.
Эслатиб ўтамиз, Кристиан Вьери 2005 йилда "Милан" шарафини ҳимоя қилган. Италия чемпионатининг янги мавсуми август ойининг иккинчи ярмида бошланади.













