Лондоннинг "Арсенал" клубига "Челси"дан ўтган вингер Нони Мадуэке кимнинг ўйинидан илҳом олишини айтиб ўтди.
"Канонирлар" 23 ёшли футболчининг трансферини жума куни расман тасдиқлади. Англиялик футболчининг трансфер нархи 55 млн евродан кўпроқни ташкил қилган.
Ўзини оммага таништирар экан, Мадуэке футбол оламидаги асосий кумири ҳақида шундай деди: "Мени энг кўп ким илҳомлантиради? Криштиану Роналду," - деди "Арсенал"нинг янги аъзоси интервьюда.
Нони Мадуэке икки ярим йил давомида "Челси" шарафини ҳимоя қилди. Умуман олганда, футболчи "кўклар" сафида 92 та ўйинда майдонга тушиб, 20 та гол урган ва тўққизта голли узатмани амалга оширган.
