Германиялик ҳужумчи Ник Вольтемаденинг агенти Дэнни Бахман "Бавария"нинг Вольтемаде сотиб олиш бўйича навбатдаги таклифини рад этган "Штутгарт"нинг позициясидан ҳайратда эканини билдирди.

ОАВ маълумотига кўра, мюнхенликлар 23 ёшли ҳужумчи учун қатъий белгиланган 50 миллион евро ва яна беш миллион бонус сифатида тўлашга тайёр эди. Бироқ, "Штутгарт" бунга рози бўлмади ва камида 80 миллион евро талаб қилишда давом этмоқда.

"Бундеслига учун рекорд даражадаги 55 миллионлик таклиф ҳатто музокаралар учун сабаб бўлмаган бўлса, "Штутгарт" умуман қанча суммани ўзига хос деб билиши қизиқ. Бу мутлақо кутилмаган ҳолат бўлди," - дея агентнинг сўзларини келтиради Sky Sport журналисти Флориан Плеттенберг.

Ўтган мавсумда форвард барча мусобақаларда 33 та ўйин ўтказиб, 17 та гол урди ва 3 та голли узатмани амалга оширди.