Germaniyalik hujumchi Nik Voltemadening agenti Denni Baxman "Bavariya"ning Voltemade sotib olish bo‘yicha navbatdagi taklifini rad etgan "Shtutgart"ning pozisiyasidan hayratda ekanini bildirdi.

OAV ma’lumotiga ko‘ra, myunxenliklar 23 yoshli hujumchi uchun qat’iy belgilangan 50 million yevro va yana besh million bonus sifatida to‘lashga tayyor edi. Biroq, "Shtutgart" bunga rozi bo‘lmadi va kamida 80 million yevro talab qilishda davom etmoqda.

"Bundesliga uchun rekord darajadagi 55 millionlik taklif hatto muzokaralar uchun sabab bo‘lmagan bo‘lsa, "Shtutgart" umuman qancha summani o‘ziga xos deb bilishi qiziq. Bu mutlaqo kutilmagan holat bo‘ldi," - deya agentning so‘zlarini keltiradi Sky Sport jurnalisti Florian Plettenberg.

O‘tgan mavsumda forvard barcha musobaqalarda 33 ta o‘yin o‘tkazib, 17 ta gol urdi va 3 ta golli uzatmani amalga oshirdi.