"Ювентус" ярим ҳимоячиси Кефрен Тюрамга "Пари Сен-Жермен" қизиқиш билдирмоқда.
Лига 1 гранди ўрта чизиқни кучайтириш устида ишламоқда ва 24 ёшли футболчини аллақачон шорт-листга киритган, деб хабар беради Tuttosport. Французни ўз томонига оғдириш осон бўлмайди: "Ювентус" хавбекни сотишни истамаяпти ва у билан 2030 йилгача мўлжалланган янги шартнома имзоламоқчи.
Кефрен Тюрам Турин клубига ўтган йилнинг июлида "Ницца"дан 20,6 млн евро эвазига ўтган эди. Футболчининг айни дамдаги нархи Transfermarkt мутахассислари томонидан 40 млн еврога баҳоланмоқда.
Ўтган мавсумда Тюрам "кекса синьора"нинг 51 та ўйинида қатнашиб, бешта гол ва саккизта голли узатмани амалга оширди.
